Hreyfimyndasmiður hljómsveitanna 27. júlí 2004 00:01 "Ég lifi á því að búa til hreyfanlegar litmyndir með hljóði svo að það mætti alveg segja að ég sé kvikmyndagerðarmaður," segir Gaukur Úlfarsson sem hefur getið sér gott orð undanfarin misseri fyrir tónlistarmyndbönd fyrir hljómsveitir eins og Quarashi, Ske, K.K. Tinnu Marínu, Stuðmenn og fleiri. Auk þess að vera kvikmyndagerðarmaður er Gaukur bassaleikari og var áberandi sem slíkur í grasrótinni á seinustu öld en hann hefur einnig leikið með hljómsveitinni Quarashi frá stofnun hennar. "Ég man ekki af hverju ég fór út í þennan kvikmyndabransa, mig minnir að ég hafi byrjað á því að búa til sprell-video með Quarashi og síðan þá hef ég verið svokallaður hirð-hreyfimyndasmiður hljómsveitarinnar." Meðfram tónlistarmyndbandagerð hefur Gaukur verið með alþjóðlega heimildamynd í smíðum um nokkurt skeið í samstarfi við Þórólf Beck. "Þessi heimildamynd fjallar um fólk sem býr í einskonar Matrix-heimi þar sem það hefur að nokkru leyti yfirgefið hinn fýsíska heim fyrir digital-veröld tölvunnar og netsins. Það mætti jafnvel kalla þetta sannsögulega Matrix-mynd. Þetta byrjaði sem heimildamynd um EVE Online tölvuleikinn íslenska og þar hófst samstarfið við Þórólf Beck sem síðan þróaðist út í þessa heimildamynd. Í myndinni erum við að fjalla um fólk sem hefur hannað sér alteregó í heimatölvunni sinni. Það á sér fortíð og framtíð, starf, menntun og útlit. Við fórum til Tokyo, Seoul og Kaupmannahafnar og tókum viðtöl við spilara sem lifa og hrærast í þessum heimi. Þarna er fólk sem lifir lífi sem ekki er hægt að útskýra með orðum. Fólk verður eiginlega bara að bíða eftir myndinni." En hvað svo annað á döfinni? "Ég hef verið að gera heimildamynd um upptökur á nýjustu plötu Quarashi sem verður mjög fróðleg. Fókusinn var tekinn á almennan tónlistaráhuga fólks, af hverju menn fara út í þann bransa að taka upp plötu og þar fram eftir götunum. Það var varla slegin nóta í hljóðverinu sem ekki var tekin upp og svo þarf bara að setja þessi myndbrot saman. Annars er ég er að íhuga að taka góðan sprett í vídeo-gerð. Þetta er mjög góð æfing í kvikmyndagerð. Það er mikið stress því allt þarf að gerast á mjög stuttum tíma og þetta kennir manni öguð vinnubrögð og þjálfar útsjónarsemi. Langtímamarkmiðið er þó að gera kvikmynd í fullri lengd innan þriggja ára. Ég er byrjaður að safna í gagnabankann og er kominn með nokkrar góðar sögur sem munu síðan væntanlega krydda hversdagslegt handrit." Bíó og sjónvarp Tónlist Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið Myndaveisla: Rosaleg stemming í kosningavökunum Lífið Tvöföld veisla hjá Gnarr feðgum Lífið Bannaði Snorra að kjósa Arnar Þór Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið „Nú er þessi sprettur á enda“ Lífið Herra Hnetusmjör og Sara selja íbúðina Lífið Kosningavökur frambjóðenda: Hvar verða mestu fagnaðarlætin? Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
"Ég lifi á því að búa til hreyfanlegar litmyndir með hljóði svo að það mætti alveg segja að ég sé kvikmyndagerðarmaður," segir Gaukur Úlfarsson sem hefur getið sér gott orð undanfarin misseri fyrir tónlistarmyndbönd fyrir hljómsveitir eins og Quarashi, Ske, K.K. Tinnu Marínu, Stuðmenn og fleiri. Auk þess að vera kvikmyndagerðarmaður er Gaukur bassaleikari og var áberandi sem slíkur í grasrótinni á seinustu öld en hann hefur einnig leikið með hljómsveitinni Quarashi frá stofnun hennar. "Ég man ekki af hverju ég fór út í þennan kvikmyndabransa, mig minnir að ég hafi byrjað á því að búa til sprell-video með Quarashi og síðan þá hef ég verið svokallaður hirð-hreyfimyndasmiður hljómsveitarinnar." Meðfram tónlistarmyndbandagerð hefur Gaukur verið með alþjóðlega heimildamynd í smíðum um nokkurt skeið í samstarfi við Þórólf Beck. "Þessi heimildamynd fjallar um fólk sem býr í einskonar Matrix-heimi þar sem það hefur að nokkru leyti yfirgefið hinn fýsíska heim fyrir digital-veröld tölvunnar og netsins. Það mætti jafnvel kalla þetta sannsögulega Matrix-mynd. Þetta byrjaði sem heimildamynd um EVE Online tölvuleikinn íslenska og þar hófst samstarfið við Þórólf Beck sem síðan þróaðist út í þessa heimildamynd. Í myndinni erum við að fjalla um fólk sem hefur hannað sér alteregó í heimatölvunni sinni. Það á sér fortíð og framtíð, starf, menntun og útlit. Við fórum til Tokyo, Seoul og Kaupmannahafnar og tókum viðtöl við spilara sem lifa og hrærast í þessum heimi. Þarna er fólk sem lifir lífi sem ekki er hægt að útskýra með orðum. Fólk verður eiginlega bara að bíða eftir myndinni." En hvað svo annað á döfinni? "Ég hef verið að gera heimildamynd um upptökur á nýjustu plötu Quarashi sem verður mjög fróðleg. Fókusinn var tekinn á almennan tónlistaráhuga fólks, af hverju menn fara út í þann bransa að taka upp plötu og þar fram eftir götunum. Það var varla slegin nóta í hljóðverinu sem ekki var tekin upp og svo þarf bara að setja þessi myndbrot saman. Annars er ég er að íhuga að taka góðan sprett í vídeo-gerð. Þetta er mjög góð æfing í kvikmyndagerð. Það er mikið stress því allt þarf að gerast á mjög stuttum tíma og þetta kennir manni öguð vinnubrögð og þjálfar útsjónarsemi. Langtímamarkmiðið er þó að gera kvikmynd í fullri lengd innan þriggja ára. Ég er byrjaður að safna í gagnabankann og er kominn með nokkrar góðar sögur sem munu síðan væntanlega krydda hversdagslegt handrit."
Bíó og sjónvarp Tónlist Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið Myndaveisla: Rosaleg stemming í kosningavökunum Lífið Tvöföld veisla hjá Gnarr feðgum Lífið Bannaði Snorra að kjósa Arnar Þór Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið „Nú er þessi sprettur á enda“ Lífið Herra Hnetusmjör og Sara selja íbúðina Lífið Kosningavökur frambjóðenda: Hvar verða mestu fagnaðarlætin? Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira